આ વર્ષે ઓસ્ટ્રેલિયામાં રમાનાર T20 વર્લ્ડ કપ 2022 માટે તમામ 16 ટીમોના નામ જાહેર કરવામાં આવ્યા છે. ઝિમ્બાબ્વે અને નામિબિયા સાથે સંયુક્ત આરબ અમીરાત પણ વર્લ્ડ કપ માટે ક્વોલિફાય થઈ ગયા છે. ઝિમ્બાબ્વે લીગ તબક્કામાં તેમના જૂથમાં ટોચ પર હતું, જ્યારે ગ્રુપ બીમાં નેધરલેન્ડ્સે તેમની ત્રણેય મેચ જીતીને ઓસ્ટ્રેલિયાની ટિકિટ મેળવી હતી. તમને જણાવી દઈએ કે વર્લ્ડ કપ 16 ઓક્ટોબરથી શરૂ થઈ રહ્યો છે.
પ્રથમ વર્લ્ડ કપ વર્ષ 2007માં રમાયો હતો, જેમાં ભારતે ફાઇનલમાં પાકિસ્તાનને હરાવીને વર્લ્ડ ચેમ્પિયનનો ખિતાબ જીત્યો હતો. ત્યાર બાદ અત્યાર સુધી ભારતીય ટીમ માત્ર એક જ વાર ફાઇનલમાં પહોંચી શકી છે. 2014 T20 ક્રિકેટ વર્લ્ડ કપની ફાઇનલમાં શ્રીલંકાએ 6 વિકેટે મેચ જીતીને ટાઇટલ જીત્યું હતું. ગયા વર્ષે રમાયેલા વર્લ્ડ કપમાં ઓસ્ટ્રેલિયા ચેમ્પિયન હતું. કોરોનાના કારણે ભારતીય ટીમ 2020ની જગ્યાએ 2021માં રમાયેલી આ ઈવેન્ટમાં આગળના રાઉન્ડમાં પણ પહોંચી શકી નથી.
પાકિસ્તાન અને ન્યુઝીલેન્ડ સામે હાર્યા બાદ ભારતીય ટીમની આશા ઠગારી નીવડી હતી અને તે પહેલા રાઉન્ડમાંથી જ બહાર થઈ ગઈ હતી. આ ટૂર્નામેન્ટ ઓસ્ટ્રેલિયામાં રમાઈ રહી છે, આવી સ્થિતિમાં ભારતીય ટીમ ગત વર્ષના દર્દને ભૂલી જવાનો પ્રયાસ કરશે તો ઓસ્ટ્રેલિયા ટાઈટલ બચાવવા માટે પૂરો પ્રયાસ કરશે.
ભારત, પાકિસ્તાન, ઈંગ્લેન્ડ, ઓસ્ટ્રેલિયા, ન્યુઝીલેન્ડ, અફઘાનિસ્તાન, બાંગ્લાદેશ અને દક્ષિણ આફ્રિકા પહેલાથી જ સુપર 12 માટે ક્વોલિફાય થઈ ચૂક્યા છે. પ્રથમ રાઉન્ડ વન મેચ થશે, જેમાંથી 4 ટીમ સુપર 12 માટે ક્વોલિફાય થશે. આ ટુર્નામેન્ટની ફાઇનલ મેચ 13 નવેમ્બરે રમાશે. વર્લ્ડ કપની તમામ મેચ ઓસ્ટ્રેલિયાના 7 મેદાન પર રમાશે. આ મેચો એડિલેડ (એડીલેઇડ ઓવલ), બ્રિસ્બેન (ધ ગાબા), જીલોંગ (કાર્ડિનિયા પાર્ક), હોબાર્ટ (બેલેરીવ ઓવલ), મેલબોર્ન (MCG), પર્થ (પર્થ સ્ટેડિયમ) અને સિડની (SCG) ખાતે રમાશે. તમને જણાવી દઈએ કે ભારત અને પાકિસ્તાન વચ્ચે 23 ઓક્ટોબરે મેલબોર્નમાં મેચ રમાશે.
ગુજરાતી
English
हिन्दी
मराठी