4 વર્ષની બાળકીએ 8 મહિનાના ભાઇને પાણીને બદલે પીવડાવ્યું ડિઝલ, સારવારમાં મોત

નોઈડાથી એક દર્દનાક ઘટના સામે આવી છે. જ્યાં ચાર વર્ષની માસૂમ બાળકીએ તેના 8 મહિનાના નાના ભાઈને પાણીને બદલે ડીઝલ પીવડાવી દીધું હતું. જેના કારણે માસૂમનું મોત થયું હતું. આ ઘટના નોઈડાના સેક્ટર 63 વિસ્તારના છિઝરસી ગામની છે.

પીડિતાનો પરિવાર મૂળ હરદોઈનો છે. પરંતુ છીઝરસી ગામમાં ઘણા સમયથી વસવાટ કરવામાં આવ્યો છે. આ ઘટના ગયા સોમવારની કહેવાય છે. પરિવારના તમામ સભ્યો ઘરે હાજર હતા. અચાનક 8 મહિનાની માસૂમ રડવા લાગી. ભાઈને રડતો જોઈને બહેને નજીકમાં પડેલી બોટલ ઉપાડી અને પાણી પીવડાવા લાગી. બાળકીને ખબર નહોતી કે તેની પાસે પાણી નહી પરંતુ ડીઝલ છે.

માસૂમ ડીઝલ પીતાની સાથે જ જોર જોરથી રડવા લાગ્યો. માસૂમ પાસે પરિવારના તમામ સભ્યો આવ્યા, તેમને ખબર પડી કે બાળકીએ માસૂમને પાણીને બદલે ડીઝલ આપ્યું. તરત જ પરિવાર માસૂમને હોસ્પિટલ લઈ ગયા, પરંતુ ત્રણ દિવસની સારવાર બાદ બાળકનું મોત થઈ ગયું. માહિતી આપતાં કોતવાલી સેક્ટર 63એ જણાવ્યું કે માહિતી મળતા જ પોલીસની ટીમ ઘટનાસ્થળે પહોંચી ગઈ હતી. પૂછપરછ દરમિયાન જાણવા મળ્યું છે કે 4 વર્ષની બહેને બોટલમાં રાખેલા ડીઝલને પાણી સમજીને તેના ભાઈને આપ્યું હતું. હાલ મૃતદેહને પોસ્ટમોર્ટમ માટે મોકલી આપી આગળની કાર્યવાહી હાથ ધરી છે.