સગીરવયની છોકરીના જાતીય શોષણના ઘણા બનાવો આપણી આસપાસ બનતા રહે છે. બાળકોના આવા શોષણ કરવામાં પરિવાર કે ખૂબ નજીકનો વ્યક્તિ સામેલ હોય એવી ઘટના વધારે હોવાથી મોટા ભાગના કિસ્સાઓ દબાવી દેવામાં આવે છે. જો કે ઘણી વખત પરિસ્થિતિ હાથમાં નહિ રહેતા પણ મામલો પોલીસ સુધી પહોંચે છે. આવો એક ચોંકાવનારો કિસ્સો ગોંડલમાં પ્રકાશમાં આવ્યો છે. અહીંની હોસ્પિટલમાં એક સગીરાએ બાળકીને જન્મ આપ્યો હતો. સગીરાને ગર્ભવતી થવા બાબતે કરાયેલી પૂછપરછમાં ચોંકાવનારો ઘટસ્ફોટ થયો હચો. સગીરા ને જમવાનું આપવાની લાલચ આપી ઘરમાં બોલાવી જાતીય શોષણ કરાતાં તે ગર્ભવતી બની હતી. આવું કરનાર કોઇ ઓર નહીં તેના મોટાબાપુ હતાં.
મધ્ય પ્રદેશના અલીરાજપુરના કોહીવાવ સ્કૂલ ફળિયામાં દાદા-દાદી સાથે રહેતી આદિવાસી પરિવારની તેર વર્ષની સગીરા પોતાના ઘર પાસે હાથમાં માત્ર રોટલી લઈ ઊભી હતી. ગરીબ પરિવારની આ બાળાને રોટલી સિવાય નસીબમાં અન્ય કોઈ અન્ન નહોતું, આ વેળા બાજુમાં જ રહેતા તેના મોટાબાપુ રમેશ નાનજી મેડાએ તરુણીને દાળ-શાકની લાલચ આપી ઘરમાં બોલાવતાં ઘરમાં ગયેલી માસૂમ તરુણી પર હવસી બનેલા મોટાબાપુએ દુષ્કર્મ ગુજાર્યુ હતું. દુષ્કર્મ બાદ તરુણી એટલી બધી ડઘાઇ ગઇ હતી કે કોઇને કશી વાત પણ કરી શકી ન હતી.
ઘટનાની દર્દનાક બાબત તો એ છે કે તરુણીના પિતાનું સાત વર્ષ પહેલાં અવસાન થયું છે અને માતાએ બીજા લગ્ન કર્યા છે. પિતાના અવસાન બાદ માતા પણ બીજું ઘર કરી ચાલી ગઈ હોવાથઈ અનાથ જેવી હાલત અનુભવતી તરુણી તેના ભાઈ, ભાંડુ, દાદા સાથે રહેતા હતા. સમય પસાર થતા તરુણી ગર્ભવતી હોવાની પરિવારને જાણ થતાં બનાવ અંગે અલીરાજપુરના આઝાદનગર થાણામા પોલીસ ફરિયાદ થતાં પોલીસે દુષ્કર્મ નો ગુનો નાંધી તપાસ હાથ ધરી હતી.
પોલીસ તપાસ અને બાળકીએ આપેલા નિવેદનમાં જે બહાર આવ્યું એનાથી પોલીસ ચોંકી ઊંઠી, તો પરિવાર હચમચી ગયો હતો. સગીરા સાથે દુષ્કર્મ આચી તેને ગર્ભવતી બનાવી દેનાર કોઈ અન્ય નહિ પણ પરિવારનો જ સભ્ય નીકળ્યો હતો. કુકર્મ આચરનાર સગીરાના મોટાબાપુ રમેશને ઝડપી લઇ જેલહવાલે કર્યો હતો. જ્યારે તરુણીએ ફૂલ જેવી તંદુરસ્ત બાળકીને ગોંડલ સિવિલ હોસ્પિટલમાં જન્મ આપ્યો છે. તેર વર્ષીય દીકરી ગર્ભવતી બનતાં હાલ હડમતાળામાં ખેતમજૂરી કરતાં તેનાં કાકા-કાકી દેખભાળ કરી રહ્યાં છે.
ગુજરાતી
English
हिन्दी
मराठी