LAC પર ભારતીય સેનાની પોઝિસન્સની નજીક આવ્યા ચીનના વિમાન, ભારતે ઉગ્ર વિરોધ વ્યક્ત કર્યો

બગડતા સંબંધો વચ્ચે ચીની સેનાએ વધુ એક હિમાકત બતાવી છે. ચીનનું એક વિમાન સરહદ પર તૈનાત ભારતીય સૈનિકોની સ્થિતિની એકદમ નજીક આવી ગયું હતું. ભારતે આનો સખત વિરોધ કર્યો છે. આ મામલો પૂર્વ લદ્દાખમાં હાજર નિયંત્રણ રેખા (LAC)નો છે. મળતી માહિતી મુજબ આ ઘટના જૂનના છેલ્લા સપ્તાહમાં બની હતી.

ચીની વિમાન ભારતીય સેનાની સ્થિતિની નજીક આવતા જ ભારતીય વાયુસેના પણ સતર્ક થઈ ગઈ હતી. તાત્કાલિક એક્શનમાં આવીને, ભારતીય વાયુસેનાએ કોઈપણ અનિચ્છનીય ઘટનાને પહોંચી વળવા માટે તૈયારી કરી લીધી હતી.

એવું કહેવામાં આવી રહ્યું છે કે ચીનનું એક વિમાન પૂર્વી લદ્દાખમાં વાસ્તવિક નિયંત્રણ રેખા (LAC) પર ભારતીય ચોકીઓની ખૂબ નજીક આવી ગયું હતું. જૂનના છેલ્લા સપ્તાહમાં બનેલી આ ઘટના પર ભારતીય વાયુસેનાએ પ્રતિક્રિયા આપી છે. કેન્દ્ર સરકારના સૂત્રોએ જણાવ્યું હતું કે આ ઘટના પછી, કોઈપણ સંભવિત દુર્ઘટનાનો સામનો કરવા માટે સેનાને સક્રિય કરવામાં આવી હતી.

સૂત્રોએ જણાવ્યું કે છેલ્લા કેટલાક મહિનામાં પૂર્વી લદ્દાખ સેક્ટરમાં ચીની સેના દ્વારા એરસ્પેસ ઉલ્લંઘનની આ પહેલી ઘટના છે. સૂત્રોએ જણાવ્યું કે આ ઘટનાની માહિતી સરહદી વિસ્તારમાં તૈનાત ભારતીય વાયુસેનાને રડાર દ્વારા મળી હતી. આ ઘટના એવા સમયે બની છે જ્યારે ચીની વાયુસેના પૂર્વી લદ્દાખ નજીક તેના નિયંત્રણ હેઠળના વિસ્તારોમાં મોટા પાયે કવાયત કરી રહી છે અને કવાયત દરમિયાન હવાઈ સંરક્ષણ હથિયારોનો વ્યાપક ઉપયોગ કરવામાં આવી રહ્યો છે.

સૂત્રોએ જણાવ્યું હતું કે ભારતીય પક્ષ દ્વારા સ્થાપિત ધારાધોરણો અનુસાર ચીની સત્તાવાળાઓ સાથે આ મામલો ઉઠાવવામાં આવ્યો છે અને ભવિષ્યમાં આવી કોઈ ઘટનાને રોકવા માટે કહેવામાં આવ્યું છે. એવું પણ કહેવામાં આવ્યું હતું કે ત્યારપછી ચીને ભારત સાથેના સરહદી વિસ્તારોમાં આવું કંઈ કર્યું નથી.