મુંબઇ એરપોર્ટ પર શખ્સ પાસપોર્ટના પાનાં ફાડી નાખ્યા, કારણ જાણીને હસી પડશો

કહેવાય છે કે પ્રેમ કદી છુપાવી શકાતો નથી, મુંબઈના એક વ્યક્તિ સાથે આવું જ થયું. પત્નીને જાણ કર્યા વિના વિદેશ પ્રવાસે ગયેલા આ વ્યક્તિએ પત્નીથી આ સફર છુપાવવા માટે પાસપોર્ટના પાના ફાડી નાખ્યા, પણ આ બિચારાને શું ખબર કે માથું મુંડાવતાં જ તેના માથે કરા પડી જશે. આ વ્યક્તિ ગુરુવારે ભારત પરત ફરતી વખતે મુંબઈ એરપોર્ટ પર પાસપોર્ટના પાના ફાડવા બદલ ઈમિગ્રેશન અધિકારીઓએ પકડ્યો હતો. છેતરપિંડી કરવા બદલ ભારતીય દંડ સંહિતા (IPC)ની કલમો હેઠળ વ્યક્તિની ધરપકડ કરવામાં આવી છે અને વધુ તપાસ ચાલુ છે, એમ મુંબઈ પોલીસના એક અધિકારીએ જણાવ્યું હતું.

પોલીસ અધિકારીના જણાવ્યા અનુસાર મુંબઈનો 32 વર્ષીય યુવક તેની ગર્લફ્રેન્ડને મળવા વિદેશ ગયો હતો. તે પોતાની આ વિદેશ યાત્રા પત્નીથી છુપાવવા માંગતો હતો. આ લગ્નેતર સંબંધોને છુપાવવા માટે તેણે વિદેશ પ્રવાસના પુરાવાનો પણ નાશ કરવો પડ્યો, તેથી તેણે તેના પાસપોર્ટના પાના ફાડી નાખ્યા જેમાં તેની વિદેશ યાત્રાનો ઉલ્લેખ હતો.

જો કે, ગુરુવારે તે મુંબઈ એરપોર્ટ પર પહોંચ્યો કે તરત જ ઈમિગ્રેશન અધિકારીઓએ જોયું કે તેના પાસપોર્ટમાંથી કેટલાક પેજ ગાયબ છે. આ પૃષ્ઠો પર તેની નવીનતમ મુસાફરીના વિઝા સ્ટેમ્પ હોવા જોઈએ, પરંતુ તે પેજ પાસપોર્ટમાં નહોતા. જેના કારણે તેની ધરપકડ કરવામાં આવી હતી. જોકે, આ વ્યક્તિને એ વાતની જાણ નહોતી કે પાસપોર્ટ સાથે છેડછાડ એ ગુનો છે.

એક પોલીસ અધિકારીએ જણાવ્યું કે આ વ્યક્તિ થોડા દિવસ પહેલા તેની ગર્લફ્રેન્ડને મળવા વિદેશ ગયો હતો. પોલીસે પૂછપરછ કરતાં તેણે જણાવ્યું કે તે તેની પત્નીને કામ અર્થે ભારતમાં જતો હોવાનું કહીને ગયો હતો. આ દરમિયાન પત્નીને તેના પર શંકા ગઈ અને તેણે તેના પતિને કોલ કરવાનું શરૂ કર્યું. પત્ની વિદેશમાં હોવાથી પતિએ તેનો ફોન ઉપાડ્યો ન હતો. બાદમાં, પતિએ વિચાર્યું કે પાસપોર્ટના પાના ફાડીને તે તેના પત્નીથી તેની વિદેશ યાત્રા છુપાવશે, પરંતુ તેને આમ કરવું હવે તેના માટે મોટી સમસ્યા બની ગયું છે.