ઇ-કોમર્સ વેબસાઇડની આડમાં ડ્રગ્સની હેરાફેરીનો પર્દાફાશ, એટીએસએ ત્રણ યુવકોને દબોચ્યા…

અમદાવાદ- ડ્રગ્સની હેરાફેરી કરવા માટે માફિયાઓએ અપનાવેલી નવી મોડ્સ ઓપરેડેન્સીનો રાજ્યના આતંકવાદ વિરોધી દળે પર્દાફાશ કર્યો છે. માફિયાઓ ઈ કોમર્સ વેબસાઈટ જેવી બનાવટી વેબસાઈટ બનાવી ડ્રગ્સની હેરાફેરી કરતા હોવાની બાતમીના આધારે એટીએસએ ટેકનીકલ સર્વેલન્સથી તેમના નેટવર્કમાં સેંધ મારી અને ત્રણ આરોપીની ધરપકડ કરી છે. આરોપી ડ્રગ્સનું કુરિયર બનાવી ટ્રાવેલ્સમા હેરફેર કરતા હોવાનો ખુલાસો થયો છે. એટીએસએ 8 લાખથી વધુ કિંમતના 3 અલગ અલગ ડ્રગ્સ કબ્જે કરી વધુ તપાસ હાથ ધરી છે.

મળતી માહિતી અનુસાર ગુજરાત એટીએસ દ્વારા શોહિલ ઉર્ફે સાહીલ શીરમાન, બસીત સમા અને આકાશ વિંઝાવા નામના યુવકોની ધરપકડ કરવામાં આવી છે. આ ત્રણેય અમદાવાદના વસ્ત્રાપુર તળાવ પાસે આવેલા સંસર્ય એપાર્ટમેન્ટમાં રહીને ડ્રગ્સનું વેચાણ કરતા હોવાની બાતમી એટીએસને મળી હતી. બાતમીના આધારે એટીએસ અને અમદાવાદ એસઓજીની ટીમે રેડ કરી 20 ગ્રામ એમ્ફેટામાઈન, 60 ગ્રામ ઓપિઓઈડ. 321ગ્રામ ચરસ અને 3 કિલો ગાંજો મળી કુલ 8.28 લાખનો મુદ્દામાલ જપ્ત કર્યો છે.

ડ્રગ્સ સાથે ઝડપાયેલા યુવકોની પૂછપરછમાં ચોંકાવનારા ખુલાસા થયા હતાં. તપાસમાં સામે આવ્યું કે છેલ્લા ઘણા સમયથી તેઓ બનાવટી ઈ કોમર્સ વેબસાઈટના માધ્યમથી ડ્રગ્સની હેરાફેરી કરતા હોવાનુ સામે આવ્યું છે. ડ્રગ્સના ગુનામાં ઝડપાયેલા આરોપીની તપાસ કરતાં આકાશ આ હેરાફેરીનો માસ્ટર માઇન્ડ હોવાનું બહાર આવ્યું છે. આરોપીએ ડ્રગ્સની હેરાફેરી માટે પહેલાં એ કોમર્સ વેબસાઈટ બનાવી બાદમાં કુરિયર કંપનીનુ પાર્સલ બનાવી ટ્રાવેલ્સ મારફતે સામાન કહો કે પાર્સલની હેરાફેરી કરતા હતાં. સાથે આરોપી અગાઉ મહેસાણા અને સૌરાષ્ટ્રમાં ડ્રગના મોટા જથ્થાની ડીલેવરી આપી ચૂકયા હોવાની હકીકત સામે આવી છે.

એટીએસની પૂછપરછમાં એવો ઘટસ્ફોટ પણ થયો કે ડ્રગ્સ માફિયાઓ પોલીસથી બચવા VOIP કોલ કરતા હતાં. ડ્રગ્સનો તમામ જથ્થો અન્ય રાજ્યમાથી આવતો હતો. જ્યારે આરોપીની પૂછપરછમાં હકીકત સામે આવી છે કે ડ્રગ્સનો તમામ જથ્થો અન્ય રાજ્યમાથી આવતો હતો. જે ડ્રગ્સ સપ્લાયરની પોલીસ તપાસ કરી રહી છે. સાથે જ ઝડપાયેલા આરોપીએ જલારામ ટ્રાવેલ્સની બસમાં એક પાર્સલ મોકલ્યું છે. જેને કબ્જે કરવા પણ પોલીસની એક ટીમ કાર્યવાહી કરી રહી છે.