ગૂગલવાળી બેનને રસ્તો પૂછતા પહેલાં ચેતજો.! આ કિસ્સો જાણ્યા પછી કહેશો ગુગલ તુ પણ…!!

કોઇપણ સ્થળે પહોંચવા માર્ગદર્શન માટે જ નહીં એ માર્ગ પર ટ્રાફિકની સ્થિતિ અને ટોલ ટેક્સની માહિતી મેળવવા માટે પણ ગુગલ મેપનો ઉપયોગ મોટા પાયે થઇ રહ્યો છે. જો તમે ક્યાંય પણ ફરવા જવા માટે ગૂગલ મેપ (Google Map)નો ઉપયોગ કરો છો તો સાવધાન રહો. રસ્તામાં તમને જબરદસ્ત ટ્રાફિક જામ દેખાય તો તમે રસ્તો બદલી નાખો છો. એવું પણ બની શકે કે જેના પગલે તમે લાંબા રૂટ પર પહોંચી શકો છો. ગૂગલ મેપ પર પણ આવું જ જોવા મળ્યું છે. ગુગલ મેપ રોડ ખાલી હોવા છતાં એક જગ્યાએ ટ્રાફિક જામ દર્શાવવા લાગ્યો. ગૂગલ મેપ લાંબા સમય સુધી તે રસ્તા પર જામ અને ધીમા ટ્રાફિક વિશે માહિતી આપતો રહ્યો.

આ દિવસોમાં સોશિયલ મીડિયા પર એક જૂનો વીડિયો વાયરલ થઈ રહ્યો છે. આ વીડિયોમાં એક યુવક મોબાઈલ ફોનનો ઉપયોગ કરીને ગૂગલ મેપને મૂર્ખ બનાવતો જોવા મળી રહ્યો છે. લોકો વીડિયોને ખૂબ પસંદ કરી રહ્યા છે. આ વીડિયો સોશિયલ મીડિયા પર ઝડપથી વાયરલ થઈ રહ્યો છે. લોકો આ વીડિયોને એકબીજા સાથે શેર કરી રહ્યા છે. ચાલો તમને જણાવીએ કે કેવી રીતે જર્મનીમાં એક નાગરિકે ગૂગલ મેપને મૂર્ખ બનાવી.

** આ રીતે ગૂગલ મેપ ગેરમાર્ગે દોર્યું…
જર્મનીના બર્લિનમાં રહેતા સિમોન વેકર્ટે ગૂગલ મેપ્સને મૂર્ખ બનાવી છે. સિમોને ગૂગલ મેપ્સને ફસાવવા માટે લગભગ સો સ્માર્ટફોન એક મોટી ટ્રોલીમાં મૂક્યા. સાયમને આ બધા મોબાઈલમાં ગૂગલ મેપ ઓન કર્યું. આ ટોલી લઈને સિમોન એક ખાલી રસ્તા પર પહોંચ્યો અને ધીમે ધીમે ચાલવા લાગ્યો. ગૂગલ મેપે આ તમામ સ્માર્ટફોનનું લોકેશન ટ્રેક કર્યું અને રસ્તા પર જામ બતાવવા લાગ્યું. જેના કારણે ગુગલ મેપ જોઈને ચાલતા મોટાભાગના લોકો તે રસ્તાથી ડાયવર્ટ થઈ ગયા. સિમોનના કહેવા પ્રમાણે, હજુ આપણે ટેક્નોલોજી અને સમાજ વચ્ચેના સંબંધને સમજવામાં ભૂલો કરી રહ્યા છીએ. ટેકનોલોજી સમાજને કેવી રીતે બદલી રહી છે તે આશ્ચર્યજનક છે. તેમનું માનવું છે કે હજુ પણ નવી ટેક્નોલોજી આપણને બરાબર સમજાઈ નથી.

**આ રીતે મેપ જણાવે છે ટ્રાફિકની સ્થિતિ..
ગૂગલની આ નેવિગેશન સર્વિસ આખી દુનિયામાં ખૂબ જ લોકપ્રિય છે. તે સચોટ ટ્રાફિક અને રૂટ માહિતી આપીને વપરાશકર્તાઓને તેમના ગંતવ્ય સુધી માર્ગદર્શન આપે છે. ગૂગલ મેપ્સમાં ટ્રાફિકની સ્થિતિ જણાવવા માટે ભારતમાં લાલ, વાદળી અને પીળા રંગોનો ઉપયોગ કરવામાં આવે છે. લાલ એટલે મજબૂત જામ, ઓછા ટ્રાફિક માટે પીળો અને એકદમ સાફ રસ્તા માટે વાદળી. ઘણી વખત રોડ બ્લોક્સને કારણે Google મેપ્સમાં નેવિગેશનને ફરીથી રૂટ કરે છે જેથી વપરાશકર્તાઓ ફટાફટ તેમના ગંતવ્ય સુધી પહોંચી શકે.