રાજ્ય સરકારની ચિંતા વધી, ગુજરાતમા સતત બીજા દિવસે 400થી વધુ કોરોના કેસ નોંધાયા

ગુજરાતમાં સતત બીજા દિવસે ગુરુવારે કોરોનાના 416 નવા કેસ નોંધાયા છે. આ સાથે, સક્રિય કોરોના દર્દીઓની સંખ્યા 2000 ની નજીક પહોંચી ગઈ છે. ગુરુવારે 230 લોકોને સ્વસ્થ થયા બાદ રજા આપવામાં આવી હતી. રાહતની વાત એ છે કે આજે પણ રાજ્યમાં કોરોનાને કારણે એક પણ મૃત્યુ નથી થયું. રાજ્યમાં ચાલી રહેલા રસીકરણ અભિયાન હેઠળ ગુરુવારે કોરોનાના 82229 ડોઝ આપવામાં આવ્યા હતા. આરોગ્ય વિભાગના આંકડા મુજબ અમદાવાદ કોર્પોરેશનમાં છેલ્લા 24 કલાકમાં કોરોનાના 182 નવા કેસ નોંધાયા છે. જ્યારે સુરત કોર્પોરેશનમાં 56, વડોદરા કોર્પોરેશનમાં 40, સુરતમાં 34, રાજકોટ કોર્પોરેશનમાં 15, ભાવનગર કોર્પોરેશનમાં 13, વલસાડમાં 12, ગાંધીનગર કોર્પોરેશનમાં 11, ગાંધીનગરમાં 8, જામનગર કોર્પોરેશનમાં 7, કચ્છમાં 7, ભરૂચમાં 7 મહેસાણા, નવસારી, વડોદરામાં 3-3, અમદાવાદ જિલ્લામાં 1, અમરેલી, આણંદ, ભાવનગર, મોરબી, પાટણ 2-2, બનાસકાંઠા, દેવભૂમિ દ્વારકા, મહિસાગર, રાજકોટ અને સુરેન્દ્રનગર સહિત રાજ્યભરમાં કોરોનાના 416 નવા કેસ નોંધાયા છે. થયું છે.

આ દરમિયાન અમદાવાદ કોર્પોરેશનના 113 સહિત રાજ્યમાં 230 લોકોને સાજા થયા બાદ રજા આપવામાં આવી હતી. રાજ્યમાં અત્યાર સુધીમાં 1216036 લોકો કોરોનાને માત આપી સ્વસ્થ થયા છે, જ્યારે 10946 દર્દીઓના કોરોનાને કારણે મોત થયા છે. બીજી તરફ રાજ્યમાં સક્રિય કેસની સંખ્યા 1927 પર પહોંચી ગઈ છે. જેમાં 1923 સ્થિર છે અને 4 દર્દીઓ વેન્ટીલેટર પર છે. ગુરુવારે રાજ્યમાં 18 વર્ષથી વધુ ઉંમરના 1079 લોકોને પ્રથમ ડોઝ અને 16719 લોકોને બીજો ડોઝ આપવામાં આવ્યો હતો. 15 થી 17 વર્ષની વયના 689 ને પ્રથમ રસી અને 3988 ને બીજી રસી મળી. 40031 નાગરિકોને સાવચેતીના ડોઝ આપવામાં આવ્યા હતા. જ્યારે 12 થી 14 વર્ષની વયના 6775 કિશોરોને પ્રથમ અને 12948ને કોવિડની બીજી રસી આપવામાં આવી હતી. રાજ્યમાં અત્યાર સુધીમાં કોવિડના 11 કરોડ 11 લાખ 03 હજાર 686 ડોઝ આપવામાં આવ્યા છે.