વ્યાજે પૈસા લેનારાઓ માટે આંખ ખોલનારો કિસ્સોઃ પઠાણી વસૂલીથી કંટાળેલા વ્યક્તિએ પરિવારના ચાર સભ્યો સાથે મોતને વહાલું કર્યુ

દેવાના ચક્કરમાં એક પરિવાર એટલો ફસાઈ ગયો કે મહેનત કર્યા પછી પણ તે લોન ચૂકવી શક્યો નહીં અને તેના કારણે પરિવારના 5 સભ્યોએ ગળેફાંસો ખાઈ આપઘાત કરી લીધો. બિહારના સમસ્તીપુર જિલ્લાના વિદ્યાપતિ નગરમાંથી આવી જ એક દર્દનાક ઘટના સામે આવી છે. શરૂઆતમાં એવું માનવામાં આવી રહ્યું છે કે, શાહુકારોની ધમકીઓ અને વસૂલીથી કંટાળીને આ પરિવારે એક સાથે ગળેફાંસો ખાઈને આત્મહત્યા કરી લીધી હતી.

પોલીસ તપાસમાં બહાર આવ્યું છે કે મનોજ ઝાએ તેની મોટી પુત્રી કાજલના લગ્ન માટે 5 વર્ષ પહેલા ગામના જ એક શાહુકાર મન્નુ ઝા પાસેથી 3 લાખ રૂપિયાની લોન લીધી હતી. આ ક્રમમાં ધીરે ધીરે આ પરિવાર દેવાના ચક્કરમાં ફસાઈ ગયો અને પછી અનિલ સિંહ પાસેથી એક લાખ, બચ્ચા સિંહ પાસેથી 2 લાખ રૂપિયા ઉપરાંત કેટલાક જૂથો પાસેથી 2 લાખ રૂપિયાની લોન લીધી.

પાંચ વર્ષ પછી, એક શાહુકાર રૂ. 3 લાખની લોનના બદલામાં વ્યાજ સહિત રૂ. 18 લાખ માંગતો હતો. તેનાથી પરેશાન મનોજ ઝાએ ફાયનાન્સ પર કાર ચલાવવાનું શરૂ કર્યું. જેથી તેમાંથી કમાણી કરીને દેવું ચૂકવી શકાય. પરંતુ ભાગ્યમાં કંઇક અલગ જ લખાયેલું હતું. લોકડાઉન દરમિયાન, વાહનની આવક ન થતાં ફાયનાન્સરે વાહન ખેંચ્યું હતું. તે પછી મનોજે એક નાની તંબાકુની દુકાન ખોલી, કોઈક રીતે તેના દ્વારા પરિવારને ટેકો મળી રહ્યો હતો.

થોડા દિવસો પહેલા લોન લેનાર મનોજ ઝા સાથે શાહુકાર મહાજને અભદ્ર વર્તન કર્યું હતું અને લોન નહીં ચૂકવવાના બદલામાં પુત્રીને ઉપાડી જવાની ધમકી આપી હતી. આ ડરના કારણે મૃતક મનોજે તેની સગીર પુત્રીને 3 મહિના પહેલા મંદિરેથી લગ્ન કરીને વિદાય આપી હતી. પરંતુ શાહુકારનું દબાણ વધી રહ્યું હતું.

બનાવની રાત્રે પણ લોન ભરપાઈ ન કરતાં શાહુકારોએ દેવાદાર મનોજ ઝાને અપમાનિત કર્યા હતા. આખરે દેવાના આ ચક્રવ્યૂહમાં ફસાયેલા પરિવારના 5 સભ્યોના મૃતદેહ વહેલી સવારે ઘરના એક રૂમમાં ફાંસીથી લટકેલા મળી આવ્યા હતા. વિદ્યાપતિનગર પોલીસ સ્ટેશનની પોલીસે મૌ ધનેશપુર દક્ષિણના વોર્ડ નંબર 4માંથી મનોજ ઝા (42), તેની પત્ની સુંદર મણિ દેવી (38), માતા સીતા દેવી (65), પુત્રો સત્યમ (10) અને શિવમ (7)ના મૃતદેહોને ફોરેન્સિક કરાવ્યા હતા. તપાસ બાદ તેને પોસ્ટમોર્ટમ માટે મોકલવામાં આવ્યો હતો.

જિલ્લાના વિદ્યાપતિ નગરના મોઢ ધનેશપુર દક્ષિણ ગામની હૃદયદ્રાવક ઘટનાએ સૌને વિચારતા કરી દીધા છે. એક તરફ લોકો આર્થિક સંકડામણના કારણે આપઘાત કર્યાની વાત કરી રહ્યા છે તો બીજી તરફ મૃતકની બંને પુત્રીઓ શાહુકારોના દબાણ બાદ હત્યાનો આરોપ લગાવી રહી છે. આ આરોપ બાદ સમસ્તીપુરની પોલીસ આત્મહત્યા અને હત્યાના એંગલથી પણ તપાસ કરી રહી છે.

પોલીસે દરેક મુદ્દા પર ઝીણવટપૂર્વક ધ્યાન આપ્યા બાદ એફએસએલની ટીમને બોલાવી પુરાવા એકત્ર કર્યા છે. ઘરના એક રૂમમાં લટકતી લાશની ફોટોગ્રાફી પણ કરવામાં આવી છે. જો કે આ આત્મઘાતી હત્યા પર રાજકારણ પણ શરૂ થયું છે. પીડિત પરિવારના ઘરે મોટા રાજકારણીઓ આવવા લાગ્યા છે. હવે સવાલ એ થાય છે કે શું એક જ પરિવારના પાંચ લોકોએ શાહુકારોના ત્રાસથી જીવ આપી દીધો કે પછી કોઈએ તેમની હત્યા કરી? આ તો પોલીસ તપાસ બાદ જ ખબર પડશે.