અમેરિકામાં ફૂલેલા ફાલેલા ગન કલ્ચરના ઘાતક પરિણામો આવી રહ્યા છે. અમેરિકામાં ફરી એકવાર જાહેર ગોળીબારની ઘટના સામે આવી છે. મેરીલેન્ડ રાજ્યના શહેર સ્મિથ્સબર્ગમાં એક માથાભારે શખ્સે બંદૂકથી અંધાધૂંધ ગોળીબાર કર્યો અને આ ગોળીબારમાં 3 લોકોના મોત થયા છે. આ ઘટનાએ અમેરિકન્સમાં ભારે દહેશત ફેલાવી છે. અમેરિકામાં ગન રાખવી એ સામાન્ય ગણાય છે. અમેરિકાની વસ્તી સામે ગન રાખવાનું પ્રમાણ ઘણું ઉંચું છે. એક સમયે ગૌરવની વાત ગણાતું આ ગન કલ્ચર હવે તેના વરવું સ્વરુપ બતાવી રહ્યું છે. હવે ગન કલ્ચરના મુદ્દે નવો વાદ-વિવાદ શરુ થયો છે.
મહત્વનું છે કે, મેરીલેન્ડ શહેર સ્મિથ્સબર્ગમાં એક મેન્યુફેક્ચરિંગ પ્લાન્ટમાં સામૂહિક ગોળીબારમાં ત્રણ લોકોના મોત થયા છે. મેરીલેન્ડના ગવર્નર લેરી હોગનના જણાવ્યા અનુસાર, ગુરુવારે સ્મિથ્સબર્ગમાં એક મેન્યુફેક્ચરિંગ પ્લાન્ટમાં ગોળીબારમાં ત્રણ લોકો માર્યા ગયા હતા અને આ ગોળીબારમાં એક સૈનિક ઘાયલ થયો હતો. સીએનએનએ અહેવાલ આપ્યો કે ગવર્નરે કહ્યું કે તેઓ શૂટરનું સ્થાન જાણતા નથી. મીડિયા રિપોર્ટ્સ અનુસાર, શૂટરે મેન્યુફેક્ચરિંગ ફેસિલિટીમાં ગોળીબાર કર્યો હતો, જે ઉત્તરી મેરીલેન્ડમાં સોલમ્બિયા મશીનરી ફેક્ટરી છે. આ શહેર બાલ્ટીમોર શહેરથી માત્ર 75 માઈલ દૂર છે. વોશિંગ્ટન કાઉન્ટી શેરિફ ઓફિસે કહ્યું કે સુરક્ષા કર્મચારીઓએ હુમલાખોરને મારી નાખ્યો છે. વોશિંગ્ટન કાઉન્ટી શેરિફ ઓફિસે જણાવ્યું હતું કે ગોળીબાર ગુરુવારે બપોરે 2.30 વાગ્યે ડાઉનટાઉન બાલ્ટીમોરથી લગભગ 75 માઇલ દૂર સ્મિથ્સબર્ગમાં કોલંબિયા મશીનમાં થયો હતો.
વૉશિંગ્ટન કાઉન્ટી શેરિફ ઑફિસે ફેસબુક પોસ્ટમાં જણાવ્યું હતું કે, પોલીસે લગભગ 2:30 વાગ્યે બિકલી રોડના 12900 બ્લોકમાં ગોળીબારનો જવાબ આપ્યો હતો, જો કે પીડિતો અથવા શંકાસ્પદ વ્યક્તિઓ વિશેની વિગતો હાલમાં ઉપલબ્ધ નથી. હજુ સુધી હુમલાખોરની ઓળખ થઈ શકી નથી. શેરિફ ઓફિસે પુષ્ટિ કરી છે કે ઘણા પીડિતો છે અને શંકાસ્પદ હવે જોખમમાં નથી અને તેની ધરપકડ કરવામાં આવી છે, ધ હિલના અહેવાલ મુજબ, ન્યૂ યોર્ક, ટેક્સાસ અને ઓક્લાહોમામાં છેલ્લાં કેટલાંક અઠવાડિયામાં થયેલાં કેટલાંક હાઇ-પ્રોફાઇલ ગોળીબારમાં અડધાથી વધુ અમેરિકનોએ બંદૂકની હિંસા અંગેના વધુ કડક કાયદાઓ માટે આહવાન કર્યું છે.
ઉલ્લેખનીય છે કે, અમેરિકામાં સતત ગન કલ્ચર વધી રહ્યું છે. છેલ્લા ઘણા સમયથી આ પ્રકારની ઘટનામાં મોટી સંખ્યામાં લોકોએ પોતાનો જીવ ગુમાવ્યો છે. બીજી તરફ અમેરિકાના રાષ્ટ્રપતિ ફિલ્મી ડાયલોગ મારતા જોવા મળે છે. આ પહેલા ગત મહિને અમેરિકાના ટેક્સાસમાં એક સ્કૂલમાં અંધાધૂંધ ગોળીબારમાં 18 વિદ્યાર્થીઓ અને ત્રણ શિક્ષકો સહિત 23 લોકોના મોત થયા હતા. આ હત્યાકાંડથી આખું અમેરિકા હચમચી ગયું હતું. રાષ્ટ્રપતિના આદેશથી આગામી ચાર દિવસ માટે શોકની જાહેરાત કરવામાં આવી હતી. બીજી તરફ અમેરિકી રાષ્ટ્રપતિ જો બાઇડેને આ ઘટનાને લઈને દેશને સંબોધન કર્યું હતું. આ ઘટનાને નરસંહાર ગણાવતા તેમણે પોતાના સંબોધનમાં દર્દને કાર્યમાં પરિવર્તિત કરવાની વાત કરી હતી.
ગુજરાતી
English
हिन्दी
मराठी