જેહાદી હત્યા : અમરાવતીમાં સ્ટોરકિપરની હત્યા કેસનો માસ્ટર માઇન્ડ નાગપુરથી ઝડપાયો…

કથિત ધાર્મિક ટીપ્પણીઓને આધાર બનાવી મુઠ્ઠીભર કટ્ટરવાદીઓએ ભારે ઉત્પાત મચાવ્યો છે. નાગપુર અને ઉદેપુરમાં બે યુવકોની ક્રૂર હત્યા કરાતાં ભય અને આક્રોશનો માહોલ ઉભો થયો છે. મહારાષ્ટ્રના નાગપુરમાં મેડિકલ સ્ટોર કિપરની જેહાદી હત્યાના કેસમાં માસ્ટર માઇન્ડ ગણાતાં યુવકની નાગપુરથી ધરપકડ કરવામાં આવી છે. મહારાષ્ટ્ર પોલીસે જણાવ્યું કે હત્યાના માસ્ટરમાઇન્ડનું નામ ઈરફાન ખાન છે.

22 જૂને મહારાષ્ટ્રના અમરાવતીમાં ઉમેશ કોલ્હે નામના 50 વર્ષના વ્યક્તિની ગળું કાપીને હત્યા કરવામાં આવી હતી. આ હત્યા કેસમાં અમરાવતી પોલીસે 7 લોકોની ધરપકડ કરી છે. પોલીસ સૂત્રોના જણાવ્યા અનુસાર, પીડિત, જે મેડિકલ સ્ટોર ચલાવે છે, તેણે નૂપુર શર્માને ટેકો આપ્યો હતો. એવું કહેવામાં આવી રહ્યું છે કે આ હત્યા પાછળનું કારણ હોઈ શકે છે. ફેસબુક પર નૂપુરના સમર્થનમાં એક પોસ્ટ લખવામાં આવી હતી. NIAની એક ટીમ પણ તપાસ માટે આજે અમરાવતી પહોંચી છે.

પોલીસ સૂત્રો પાસે મળતી માહિતી અનુસાર કોલ્હેની હત્યાનું ષડયંત્ર રચવા અને પાર પાડવાના ઘટના ક્રમમાં માસ્ટર માઇન્ડ ગણાતો ઈરફાન ખાન અમરાવતીમાં રહેબર નામની એનજીઓ ચલાવે છે. અમરાવતીમાં મેડિકલ સ્ટોર ચલાવતા ઉમેશ કોલ્હેની હત્યા પાછળ ઈરફાન ખાન મુખ્ય સૂત્રધાર છે. ઈરફાનના કહેવા પર અગાઉ ધરપકડ કરાયેલા 6 આરોપીઓએ મળીને આ હત્યાને અંજામ આપ્યો હતો. ઈરફાનના આદેશ બાદ તે 6 આરોપીઓએ કંઈપણ વિચાર્યા વગર આટલી મોટી ઘટનાને અંજામ આપ્યો હતો. એકંદરે આ હત્યાના સાતેય આરોપીઓ હવે પોલીસની કસ્ટડીમાં છે.

અગાઉ, ઉમેશ કોલ્હે હત્યા કેસમાં પોલીસે 6 આરોપીઓની ધરપકડ કરી હતી, તેમની સામે IPCની કલમ 302, 120B અને 109 હેઠળ કેસ નોંધવામાં આવ્યો છે. પ્રથમ દૃષ્ટિએ એવું લાગે છે કે આ ઘટના તેણે (ઉમેશ કોલ્હે) સોશિયલ મીડિયા પર નૂપુર શર્માના સમર્થનમાં પોસ્ટ કરી હતી તેના કારણે બની હતી. એટીએસ એ પણ તપાસ કરી રહી છે કે આ હત્યારાઓએ પણ ઉદયપુરના દરજી કન્હૈયાલાલની જેમ હત્યાની પેટર્ન અપનાવી હતી. અગાઉ પોલીસે ધરપકડ કરાયેલા આરોપીઓના નામ પણ જાહેર કર્યા હતા. હવે આમાં સાતમું નામ પણ સામેલ થઈ ગયું છે.

• ઈરફાન ખાન- હત્યાનો માસ્ટરમાઇન્ડ
  *મુદાસિર અહેમદ ઉર્ફે સોનુ રાજા શકીબ્રાહિમ
  *શાહરૂખ પઠાણ ઉર્ફે બાદશાહ હિદાયત ખાન
  *અબ્દુલ તૌફીક ઉર્ફે નાનુ શેખ તસ્લીમ
  *શોહેબ ખાન ઉર્ફે બુરિયા સાબીર ખાન
  *અતીપ રશીદ આદિલ રશીફ
  *ડૉ.યુસુફ ખાન બહાદુર ખાન