આઠ દિવસથી કર્ણાટક પાર નથી કરી શક્યું મોનસુન, આ રાજ્યોમાં પહોંચતા થશે વિલંબ

દેશના મધ્ય, ઉત્તર અને પશ્ચિમી રાજ્યોમાં ચોમાસામાં વિલંબ થઈ શકે છે. આગામી 4-5 દિવસ સુધી ચોમાસુ ધીમી ગતિએ આગળ વધશે. છેલ્લા 8 દિવસથી કર્ણાટકના કારવારની આસપાસ ચોમાસું દેખાઈ રહ્યું છે. ચોમાસું 10 જૂનની આસપાસ મુંબઈ પહોંચતું હોવાથી તે ધીમે ધીમે મુંબઈ પહોંચે તેવી પણ ધારણા છે, જોકે આ વખતે એવું બન્યું નથી.

મંગળવારે તમિલનાડુના નીચેના ભાગમાં ચોમાસાનો વરસાદ થયો છે. પરંતુ હજુ મોડું છે કારણ કે તે 8મી જૂન સુધીમાં આંધ્રપ્રદેશ પહોંચી જવું જોઈતું હતું. ગુજરાતમાં ચોમાસું 8 જૂને બેસે એવી સંભાવના હવામાન વિભાગ દ્વારા આગાહી કરવામાં આવી હતી પરંતુ હજી વરસાદના કોઇ વાવડ દેખાતા નથી.

જ્યારે ઉત્તરપૂર્વીય રાજ્યોમાં ભારે વરસાદ થઈ રહ્યો છે, ત્યારે ભારતમાં ચોમાસા પહેલાનો વરસાદ 7 જૂન સુધીમાં 37% ઓછો છે. ઉત્તર પશ્ચિમમાં ચોમાસા પહેલાના વરસાદમાં 94%નો ઘટાડો થયો છે. તેની અસર એ થઈ છે કે ઉત્તર અને મધ્ય ભારત ગરમીની લપેટમાં છે અને આગામી 2-3 દિવસ સુધી આવું વાતાવરણ રહી શકે છે.

વધતા અને ઘટતા તાપમાન વચ્ચે દિલ્હીનું હવામાન પણ બદલાઈ રહ્યું છે. જ્યારે લોધી રોડ પરના મૌસમ ભવન કેન્દ્રમાં લઘુત્તમ તાપમાન 25.2 ડિગ્રી સેલ્સિયસ હતું, જ્યારે પિતામપુરામાં 33.7 ડિગ્રી સેલ્સિયસ લઘુત્તમ તાપમાન નોંધાયું હતું. એટલે કે 18 કિમીના અંતરે તાપમાનમાં મોટો તફાવત હતો.

યુપી, ઉત્તરાખંડ, દિલ્હી, મધ્યપ્રદેશ, પંજાબ, હરિયાણા અને હિમાચલમાં આજે ગરમીથી રાહત નહીં મળે. આજે પણ અહીં કાળઝાળ ગરમી સહન કરવી પડશે. જો કે આગામી 3 દિવસમાં તાપમાનમાં ઘટાડો જોવા મળી શકે છે. બીજી તરફ બિહાર, ઝારખંડ અને પશ્ચિમ બંગાળના ભાગોમાં વરસાદ અને તેજ પવન ફૂંકાઈ શકે છે.
ચોમાસું 2 જૂને પૂર્વોત્તર રાજ્યોમાં પહોંચી ગયું હતું. તે એક અઠવાડિયા પહેલા પશ્ચિમ બંગાળના હિમાલય વિસ્તારમાં પણ પહોંચ્યું હતું પરંતુ તે 4 દિવસ માટે સિલિગુડીની આસપાસ છે. એટલે કે ચોમાસું દક્ષિણ અને પૂર્વ બંને દિશામાં અટવાયું છે. આ કારણોસર, અન્ય રાજ્યોમાં તેના આગમનમાં વિલંબ થઈ રહ્યો છે.