ગાંધીનગર : 36મો રાષ્ટ્રીય રમતોત્સવ અંતર્ગત ગુજરાતના 6 શહેરોમાં 36 રમતો રમાશે. જયારે આ રમતોત્સવ નો પ્રારંભ અમદાવાદ થી થશે જ્યારે સમાપન સમારોહ સુરતમાં યોજાશે આગામી 27 સપ્ટેમ્બર થી 10 ઓક્ટોબર દરમિયાન ગુજરાતમાં આયોજિત રમતોત્સવમાં સમગ્ર દેશમાંથી 25 હજારથી વધુ રમતવીરો ભાગ લેશે.જેને પગલે ગુજરાત સરકારે તડામાર તૈયારીઓ શરૂ કરી દીધી છે.
રાજ્યના 6 શહેરો માં રાજકોટ સહિત અમદાવાદ, ગાંધીનગર, સુરત, વડોદરા, અને ભાવનગર ખાતે વિવિધ 36 રમત સ્પર્ધાઓનું આયોજન કરવામાં આવશે. ઉલ્લેખનીય છે કે ગુજરાતમાં યોજાનારા રાષ્ટ્રીય ગેમ્સનો ભવ્ય ઉદધાટન સમારોહ અમદાવાદના નરેન્દ્ર મોદી ક્રિકેટ સ્ટેડિયમમાં યોજવામાં આવશે. જેમાં અમદાવાદમાં કુલ 8 સ્થળોએ 14 રમત સ્પર્ધાઓ યોજાશે. સાથે જ ગાંધીનગરમાં 3 સ્થળોએ 8 રમતો, રાજકોટમાં 3 સ્થળોએ 2, ભાવનગરમાં એકજ સ્થળે 3, વડોદરામાં એક સ્થળે 4 જ્યારે સુરતમાં 2 સ્થળોએ 4 રમત સ્પર્ધાઓ યોજાશે.
જ્યારે ગુજરાતના મહેમાન બનીને વિવિધ રમતોમાં ભાગ લેવા માટે આવનારા ખેલાડીઓની સુવિધાઓનું પૂરતું ધ્યાન રાખવામાં આવશે અને આ માટે ગુજરાત સરકાર દ્વારા અત્યારથી જ સંપૂર્ણ તૈયારીઓ શરૂ કરી દેવામાં આવી છે સૂત્રો દ્વારા મળતી વિગતો મુજબ ખેલાડીઓ માટે ઉચ્ચ ગુણવત્તાના ટ્રેનિંગ ઈન્ફ્રાસ્ટ્રક્ચરથી લઈને 3,4 અને 5 સ્ટાર હોટેલમાં રોકાણ, તેમજ ગુણવત્તાયુક્ત ભોજનનું પણ પૂરતું ધ્યાન રાખવામાં આવશે. ગુજરાત પ્રથમ વખત રાષ્ટ્રીય રમતોત્સવની યજમાની કરી રહ્યું છે. ત્યારે નેશનલ ફેડરેશનના અધિકારીઓ એ અગાઉ તમામ શહેરો અને તેમાં ઉપલબ્ધ વિવિધ સ્પોર્ટ્સ ફેસેલીટીની સમીક્ષા કરી હતી.
ઉલ્લેખનીય છે કે ગુજરાતમાં આ વર્ષે વડાપ્રધાન નરેન્દ્રભાઈ મોદીનું સ્વપ્ન એવા ખેલમહાકુંભ અંતર્ગત 55 લાખથી વધુ લોકોએ ભાગ લીધો હતો. ત્યારે વાઈબ્રન્ટ ગુજરાત જેવા મેગા ઈવેન્ટનો પણ ગુજરાતને 9 વર્ષનો બહોળો અનુભવ પણ રહેલો છે.એટલું જ નહીં ગુજરાત તમામ એરપોર્ટ અને રેલવે સ્ટેશનના નેટવર્કથી દેશના તમામ મોટા શહેર સાથે જોડાયેલું છે . જેથી પરિવહન ક્ષેત્રે પણ તમામ સુવિધાઓ આવનાર ખેલાડીઓ માટે ઉપલબ્ધ રહેશે. નોંધનીય છે કે ગુજરાત સરકાર રમતગમત ક્ષેત્રે યુવાનોને પૂરતી તકો અને સર્વોત્તમ સુવિધાઓ આપવા માટે સંક્લ્પબદ્ધ છે.
ત્યારે ગુજરાતમાં વિશ્વસ્તરના સ્ટેડિયમ, સ્પોર્ટસ ઇન્ફ્રાસ્ટ્રક્ચર અને વિવિધ રમતો માટે તાલીમ કેન્દ્રો પણ ઉપલબ્ધ છે.એટલું જ નહીં ખેલ મહાકુંભથી રાજ્યને ભાવિ રમતવીરો મળી રહ્યા છે . એમના માટે પણ નેશનલ ગેમ્સનું ગુજરાતમાં આયોજન એક મોટી તક સ્વરૂપે છે. ત્યારે નેશનલ ગેમ્સના આયોજન માટે મુખ્યમંત્રી ભૂપેન્દ્રભાઈ પટેલના માર્ગદર્શનમાં ગુજરાત સરકાર સંપૂર્ણપણે તૈયાર છે. જ્યારે આ માટે હર્ષ સંઘવી, રાજ્યકક્ષાના મંત્રી, રમતગમત, યુવા અને સાંસ્કૃતિક પ્રવૃત્તિઓ વિભાગ, ગુજરાત સરકાર દ્વારા પણ વિભાગના વડા અશ્વિની કુમાર અને અન્ય ઉચ્ચ અધિકારીઓ સાથે તબક્કાવાર મહત્વની બેઠકો કરી તૈયારીઓને આખરી ઓપ આપવામાં આવી રહ્યો છે.
ગુજરાતી
English
हिन्दी
मराठी