નવી દિલ્હી : વાહન વ્યવહાર ક્ષેત્રે નોંધપાત્ર પ્રગતિ કરી રહ્યું છે. સકડ નિર્ણાણમાં ભારત જે ગતિથી કામ કરી રહ્યું છે એ અદ્ભૂત કહી શકાય એમ છે. આ ક્ષેત્રે ભારતે વધુ એક સિદ્વિ હાંસિલ કરીને દેશનું નામ વિશ્વમાં રોશન કર્યું છે. નેશનલ હાઇવે ઓથોરિટિ ઓફ ઇન્ડીયા (NHAI)એ 75 કિલોમીટરનો રોડ માત્ર 105 કલાકમાં બનાવીને કતારનો રેકોર્ડ તોડીને ગિનિસ બુક ઓફ વર્લ્ડ રેકોર્ડમાં નામ નોંધાયું છે.નેશનલ હાઇવે ઓથોરિટી ઓફ ઇન્ડિયાએ એક એવું કામ કર્યું છે.જેના કારણે ગિનિસ બુક ઓફ વર્લ્ડ રેકોર્ડ્સમાં તેનું નામ નોંધાયું છે. કેન્દ્રીય રોડ અને પરિવહન મંત્રી નીતિન ગડકરીએ આ સિદ્ધિ બદલ ખુબ પ્રશંસા કરી અને કહ્યું કે NHAIનું નામ ગિનિસ બુક ઓફ વર્લ્ડ રેકોર્ડમાં નોંધાઈ ગયું છે.
NHAIએ આ રેકોર્ડ 75 કિમીનો એક રોડ માત્ર 105 કલાકમાં બનાવીને પોતાના નામે કર્યો. કેન્દ્રીય મંત્રી નીતિન ગડકરીએ આ અંગે જણાવ્યું કે NHAI એ 105 કલાક અને 33 મિનિટના રેકોર્ડ સમયમાં NH-53 પર અમરાવતીથી અકોલા વચ્ચે સફળતાપૂર્વક સિંગલ લેનમાં 75 કિમી સુધી સતત બિટુમિનસ કોંક્રિટ રોડ બનાવીને ગિનિસ વર્લ્ડ રેકોર્ડ બનાવ્યો. અમરાવતી અને અકોલા વચ્ચે સિંગલ લેનમાં 75 કિમી સતત બિટુમિનસ કોંક્રીટ રોડ બનાવવાનો ગિનિસ વર્લ્ડ રેકોર્ડ બનાવવા બદલ અમારી NHAIની અસાધારણ ટીમ, કન્સલ્ટન્ટ્સ અને કન્સેશનેયર, રાજપથ ઈન્ફ્રાકોન પ્રાઈવેટ લિમિટેડ અને જગદીશ કદમને અભિનંદન પાઠવતા ખુબ આનંદ થઈ રહ્યો છે.
ગુજરાતી
English
हिन्दी
मराठी