સિલેક્શન ન થતાં પાકિસ્તાની ફાસ્ટ બોલર શોએબે કર્યો આત્મહત્યાનો પ્રયાસ, હાલત ગંભીર..

દક્ષિણ સિંધ પ્રાંતના હૈદરાબાદના એક યુવા ક્રિકેટરે ઇન્ટર-સિટી ચેમ્પિયનશિપ માટે પાકિસ્તાન ક્રિકેટ બોર્ડ (PCB) ની હોમ ટીમમાં પસંદગી ન થતાં આત્મહત્યાનો પ્રયાસ કર્યો હતો. ફાસ્ટ બોલર શોએબે તેનું કાંડું કાપી નાખ્યું હતું અને પરિવારના સભ્યો તેને મંગળવારે ઈમરજન્સીમાં હોસ્પિટલ લઈ ગયા હતા. સોએબ હાલ સારવાર હેઠળ છે, તેની સ્થિતિ નાજુક હોવાનું તબીબો જણાવી રહ્યા છે.

પરિવારના એક સભ્યએ જણાવ્યું કે ઇન્ટર-સિટી ચેમ્પિયનશિપ માટે ટ્રાયલ પછી, શોએબને કોચ દ્વારા ટીમમાં પસંદ કરવામાં આવ્યો ન હતો, જેના પછી તેણે ડિપ્રેશનના કારણે પોતાને રૂમમાં બંધ કરી લીધો હતો. પરિવારના સભ્યએ કહ્યું, “અમે તેને અમારા રૂમના બાથરૂમમાં જોયો અને તેનું કાંડું ચીરી નાખ્યું હતું. તે બેભાન હતો અને અમે તેને તાત્કાલિક હોસ્પિટલમાં લઈ ગયા જ્યાં તેની હાલત હજુ પણ ગંભીર છે.
અત્રે ઉલ્લેખનીય છે કે ફેબ્રુઆરી 2018માં, કરાચીના અંડર-19 ક્રિકેટર મોહમ્મદ જરાયાબે શહેરની અંડર-19 ટીમમાંથી બહાર થયા બાદ પોતાના ઘરે ફાંસી લગાવીને આત્મહત્યા કરી લીધી હતી.