ઉત્તરપ્રદેશના કાનપુરમાં નમાઝ બાદ પોલીસ પર પથ્થરમારો, દુકાનો બંધ કરવાને લઇને હંગામો

ઉત્તર પ્રદેશના કાનપુરમાં લઘુમતી સમુદાયના લોકોની પોલીસકર્મીઓ સાથે અથડામણ થઈ હતી, જેમાં પોલીસ પર પથ્થરમારો કરવામાં આવ્યો હતો. જેમાં બે લોકો ઘાયલ થયા છે. અહીં સ્થિતિ તંગ હોવાનું કહેવાય છે.

શુક્રવારની નમાજ બાદ બજાર બંધ કરાવવા માટે બહાર આવેલા લઘુમતી સમુદાયના લોકોએ કાનપુરના પરેડ સ્ક્વેર પાસે પથ્થરમારો કર્યો હતો. જેમાં બે લોકો ઘાયલ થયા હતા. પોલીસે આ લોકોને રોકવાનો પ્રયાસ કર્યો, પરંતુ તેઓએ પોલીસકર્મીઓ પર પણ પથ્થરમારો કર્યો. જે બાદ અહીં સ્થિતિ તંગ બની ગઈ છે.

હકીકતમાં અહીં બજાર બંધ કરાવવા માટે બે પક્ષો સામસામે આવી ગયા હતા. એટલા માટે યતિમખાના ચારરસ્તા પાસે પથ્થરમારો કરવામાં આવ્યો હતો. નૂપુર શર્માના નિવેદનના વિરોધમાં મુસ્લિમ સંગઠનો તરફથી આ બજાર બોલાવવામાં આવ્યું હતું. પરંતુ આ પછી બંને જૂથો વચ્ચે હિંસક અથડામણ થઈ છે અને બે લોકો ઘાયલ થયા હોવાના અહેવાલ છે.

અહીં સેંકડો લોકોએ પથ્થરમારો કર્યો છે. આ પછી પોલીસ ઘટનાસ્થળે પહોંચી અને લાઠીચાર્જ કર્યો. અનેક રાઉન્ડ હવાઈ ગોળીબાર કરવામાં આવ્યો હતો અને સ્થળ પર ભારે પોલીસ દળ તૈનાત કરવામાં આવ્યું હતું.

આજે વડાપ્રધાન નરેન્દ્ર મોદીનો કાનપુર દેહાત જિલ્લામાં પણ કાર્યક્રમ છે. ભાજપ નેતા નુપુર શર્મા દ્વારા મોહમ્મદ પયગંબર પર આપેલા નિવેદનના વિરોધમાં આ બજાર બંધનું એલાન કરવામાં આવ્યું હતું. કાનપુરની આ ઘટના અંગે કાનપુર નગરના જિલ્લાધિકારી નેહા શર્માએ કહ્યું છે કે પથ્થરમારો થયો છે અને તેઓ પરિસ્થિતિને સંભાળી રહ્યા છે.