મહેસાણા : વિસનગરના ઉમતા ગામ નજીક રવિવારે વહેલી સવારે નદીના પટમાં એક ઝાડ સાથે ગળાફાંસો ખાધેલી હાલતમાં પ્રેમી યુગલના મૃતદેહ મળી આવતાં ચકચાર મચી જવા પામી હતી. આપઘાત કરનાર યુગલ પૈકી યુવતી મેડિકલ કોલેજની વિદ્યાર્થિની હોવાનું બહાર આવ્યું છે.
યુગલે કરેલા આપઘાત અંગે જાણ થતાં પોલીસ ઘટના સ્થળે પહોંચી હતી. પોલીસ પહેલા ત્યાં લોકટોળું એકઠું થઈ ગયું હતું. પ્રાથમિક તપાસમાં જાણવા મળ્યું કે યુવતી ઘરેથી ગિફ્ટ લેવાનું કહીને નીકળી હતી. બાદમાં પ્રેમી સાથે ગળાફાંસો ખાઇને આત્મહત્યા કરતા પરિવારજનો શોકમગ્ન બની ગયા હતા. વિસનગર તાલુકા પોલીસે સ્થળ પર પહોંચી મૃતહેદોને પોસ્ટ મોર્ટમ માટે મોકલી વધુ તપાસ હાથ ધરી હતી. મેડિકલમાં ભણતી યુવતીને ગેરેજમાં કામ કરતા છોકરા સાથે સંબંધ બંધાયા હતા. યુવતી ગિફ્ટના બહાને ઘરેથી નીકળી હતી અને બાદમાં આપઘાત કરી લીધો હતો. તેણે કયા કારણોસર આવું પગલું ભર્યું તે જાણી શકાયું નથી.
પ્રેમી પંખીડાએ ગળેફાંસો ખાઈ આપઘાત કર્યાની ઘટનાની જાણ થતાં લોકોના ટોળેટોળા ઉમટી પડ્યા હતા. ઘટના સ્થળે પોલીસ દોડી આવતા તપાસમાં યુવક મુળ ઇન્દોરનો અને યુવતી સુઢીયા ગામની હોવાનું સામે આવ્યું હતું. નદી પટમાં આપઘાત કરનાર 24 વર્ષીય જીતેન્દ્ર બાબુલાલ શર્મા જે મૂળ ઇન્દોરનો રહેવાસી છે. જે ઉમતા ખાતે બાળપણથી પોતાની બહેન સાથે રહેતો હતો અને વિસનગર ખાતે એક ગેરેજમાં કામ કરતો હતો. જ્યારે યુવતી મૂળ સુઢીયા ગામની હોવાનું પોલીસ તપાસમાં સામે આવ્યું છે.
સુંઢિયા ગામની અને હાલ પોતાના પરિવાર સાથે રહેતી યુવતી વિસનગરની એસ. કે. યુનિવર્સિટીમાં ઓર્થોપેડિકનો અભ્યાસ કરતી હતી. જે શનિવારે સાંજે 5 કલાકે પોતાના ઘરેથી બજારમાં ગિફ્ટ લેવા જાઉં છું એમ કહી નીકળ્યા બાદ ઘરે પરત ફરી નહોતી. રવિવારે વહેલી સવારે યુવતીની આવી હાલતમાં લાશ મળતા પરિવાર શોકમય બની ગયો હતો. બંને પ્રેમીઓએ દોરડા વડે ગળેફાંસો ખાઈ એક સાથે મોત વ્હાલું કર્યું હતું.
ગુજરાતી
English
हिन्दी
मराठी