ટીવી ડિબેટમાં ક્યા મુદ્દે ચર્ચા કરવી એ હવે પાર્ટી નક્કી કરશે, ભાજપના પ્રવક્તાઓને સાવધાની રાખવા હાઇકમાન્ડનો આદેશ

નૂપુર શર્માના પયગંબર મોહમ્મદ પરના નિવેદન પર વિવાદ બાદ હવે ભાજપ એક્શનમાં આવી ગયું છે. ભાજપે યુપીમાં પોતાના પ્રવક્તાઓ પર લગામ કડક કરી છે. ભાજપે તેના પ્રવક્તાઓને કાનપુર હિંસા અને નુપુર શર્મા કેસ પર નિવેદન ન આપવા જણાવ્યું છે. ભાજપે પોતાના પ્રવક્તાઓને એ વાતનું ધ્યાન રાખવાનું કહ્યું છે કે સંવેદનશીલ મુદ્દા પર બોલતી વખતે કોઈ પણ ધર્મનું અપમાન ન કરવું જોઈએ.

વાસ્તવમાં નુપુર શર્માએ ગત દિવસોમાં એક ટીવી ડિબેટ દરમિયાન પ્રોફેટ પર નિવેદન આપ્યું હતું. આ અંગે ઘણો વિવાદ થયો હતો. આરબ દેશોએ પણ આ નિવેદનની નિંદા કરી છે. આ પછી ભાજપે નુપુર શર્માને સસ્પેન્ડ કરી દીધી હતી. ભાજપે કહ્યું હતું કે આ પ્રકારની ટિપ્પણી ભાજપના મૂળ વિચારની વિરુદ્ધ છે. જોકે, બાદમાં નુપુર શર્માએ પોતાના નિવેદન બદલ માફી માંગી હતી અને તેને પાછું ખેંચી લીધું હતું.

બીજી તરફ, ભાજપ નૂપુર શર્માના નિવેદન પર વિવાદ બાદ ભાજપ શંકાના દાયરામાં છે. આવી સ્થિતિમાં હવે ભાજપે પ્રવક્તાઓ પર લગામ લગાવવાની તૈયારી કરી લીધી છે. ભાજપે તેના પ્રવક્તાઓને નૂપુર શર્મા, નવીન જિંદાલ અને કાનપુર હિંસા કેસ પર બોલવા પર પ્રતિબંધ મૂકતા આંતરિક સૂચનાઓ જારી કરી છે.

આ સિવાય બીજેપી પ્રવક્તાઓને કહેવામાં આવ્યું છે કે સંવેદનશીલ ધાર્મિક મુદ્દાઓ પર બોલતી વખતે ધ્યાન રાખો કે કોઈ પણ ધર્મનું અપમાન ન થાય. ભાજપે પોતાના નેતાઓને કોઈપણ ધાર્મિક મુદ્દા પર વાત કરતા પહેલા પરવાનગી લેવા કહ્યું છે. આ સિવાય મીડિયામાં નિવેદન આપવા અથવા કોઈપણ મુદ્દા પર ચર્ચા કરવા માટે પાર્ટી પોતે લાઇન નક્કી કરશે.