ટ્રેનમાં રાત્રીના સમયે મુસાફરી કરવાના છે કેટલાક નિયમો, જાણી લો નહીંતર થશે દંડ

ભારતીય રેલવે ભારતના સામાન્ય લોકોના જીવનનો અભિન્ન અંગ માનવામાં આવે છે. દરરોજ લાખો લોકો ટ્રેનમાં મુસાફરી કરે છે. આવી સ્થિતિમાં રેલવેએ તેમની સુવિધાઓ માટે કેટલાક ખાસ નિયમો બનાવ્યા છે. ધ્યાનમાં રાખો કે રાત્રે મુસાફરી કરતી વખતે મુસાફરોએ આ નિયમોનું પાલન કરવું જરૂરી છે. નહિંતર, પછીથી તમને દંડ અથવા તો જેલની સજા થઈ શકે છે. તો ચાલો જાણીએ તે નિયમો વિશે.

રાત્રે મુસાફરી કરતી વખતે મુસાફરોની સુવિધાને ધ્યાનમાં રાખીને, એવો નિયમ છે કે રાત્રિ દરમિયાન કોઈ પણ મુસાફર મોટા અવાજમાં ગીત સાંભળી શકે નહીં. રાત્રે મોટેથી વાત કરવાની પણ મનાઈ છે. આમ કરવાથી અન્ય મુસાફરો તમારી ફરિયાદ કરી શકે છે. આવી સ્થિતિમાં રેલવે અન્ય લોકોની ઊંઘમાં ખલેલ પહોંચાડવા બદલ તમારા પર દંડ પણ લગાવી શકે છે.

રાત્રિના સમયે કોઈપણ મુસાફર લાઈટો ચાલુ રાખી શકશે નહીં. આમ કરવાથી બાકીના મુસાફરોની ઊંઘમાં ખલેલ પહોંચે છે. રાત્રે 10 વાગ્યાથી સવારે 6 વાગ્યા સુધી લાઈટો ઓન કરવાની મનાઈ છે.

આ સાથે રેલ્વેએ સૂવા અને જાગવા અને મિડલ બર્થને લઈને પણ કેટલાક નિયમો નક્કી કર્યા છે. નિયમો અનુસાર, તમે રાત્રે 10 વાગ્યાથી સવારે 6 વાગ્યા સુધી જ મિડલ બર્થનો ઉપયોગ કરી શકો છો. આ પછી તમારે તમારી સીટ ખોલવી પડશે જેથી કરીને બાકીના મુસાફરો આરામથી બેસી શકે અને તેમની મુસાફરી પૂર્ણ કરી શકે.

TTE પણ રાત્રે 10 વાગ્યાથી સવારે 6 વાગ્યા સુધી તમારી ટિકિટ ચેક કરી શકતા નથી. મુસાફરોની ઊંઘમાં ખલેલ ન પડે તે માટે રેલવેએ આ ખાસ નિયમ બનાવ્યો છે.

રેલવે દ્વારા બનાવેલા નિયમોનું પાલન ન કરનારા લોકો પર રેલવે ભારે દંડ લાદી શકે છે. તાજેતરમાં રેલવેને આવી ઘણી ફરિયાદો મળી છે જ્યારે મુસાફરો રાત્રે ટ્રેનમાં મોટેથી વાત કરીને તમામ મુસાફરોને હેરાન કરતા હતા.