કાશ્મીરી પંડીતોની હત્યા અને ગૌતસ્કર ડ્રાઇવરની હત્યામાં કોઇ ફરક નથીઃ સાઉથની આ અભિનેત્રી સામે કેસ નોંધાયો

સાઉથ એક્ટ્રેસ સાઈ પલ્લવી પોતાના એક નિવેદનના કારણે વિવાદોમાં ફસાઈ ગઈ છે. સાઈ પલ્લવીએ તાજેતરના અત્યાચારને કાશ્મીરી પંડિતો અને ગૌતસ્કરની મોબ લિંચિંગ સાથે સરખાવી હતી. આને લઈને બજરંગ દળ ખૂબ નારાજ છે. બજરંગ દળના નેતાઓએ સાઈ પલ્લવીનો વિરોધ કર્યો અને હૈદરાબાદના સુલતાન બજાર પોલીસ સ્ટેશનમાં ફરિયાદ નોંધાવી.

વાસ્તવમાં સાઈ પલ્લવી આ દિવસોમાં પોતાની ફિલ્મ ‘વિરાટ પરવમ’નું પ્રમોશન કરી રહી છે. આ દરમિયાન, એક ઇન્ટરવ્યુમાં ફિલ્મ ‘ધ કાશ્મીર ફાઇલ્સ’ વિશે વાત કરતી વખતે, સાઈએ કહ્યું કે કાશ્મીરી પંડિતોના નરસંહાર અને ગાયની તસ્કરી કરનારા મુસ્લિમ ડ્રાઇવરની લિંચિંગમાં કોઈ ફરક નથી. સાઈએ કહ્યું હતું કે, જો કાશ્મીર ફાઈલ્સમાં કાશ્મીરી પંડિતોનો નરસંહાર બતાવવામાં આવે છે, તો તમે ગાયોની દાણચોરી કરતા મુસ્લિમ ડ્રાઈવરની લિંચિંગ વિશે શું કહેશો. તેને ટોળાએ પકડીને માર માર્યો હતો, તેને જય શ્રી રામનો નારા લગાવવા કહેવાયું હતું.

સાઈએ કહ્યું કે જ્યારે ધર્મની લડાઈની વાત આવે છે ત્યારે કાશ્મીરી પંડિતો પરના અત્યાચાર અને મુસ્લિમ યુવકો પરના મોબ લિંચિંગમાં શું ફરક છે. આ ઈન્ટરવ્યુ વાયરલ થતા જ ઘણા લોકોએ તેનો વિરોધ શરૂ કરી દીધો હતો. આ પહેલીવાર નથી જ્યારે સાઈ પલ્લવી લાઇમલાઇટમાં આવી હોય. આ પહેલા પણ તે 2 કરોડની જાહેરાત ઠુકરાવીને ચર્ચામાં હતી. સાઈએ 2 કરોડમાં ફેરનેસ ક્રીમની જાહેરાત કરવાનો ઈન્કાર કરીને કહ્યું હતું કે આ ખોટું છે. સાઈએ કહ્યું હતું કે તે ફેરનેસ ક્રીમની જાહેરાત કરી શકતી નથી કારણ કે આવી જાહેરાતો મહિલાઓને ખોટો સંદેશ આપે છે. એટલા માટે તે આ પ્રકારના અભિયાનનો ભાગ બનવા માંગતી નથી.