આ મહિલાને તેની મૂછ ઉપર છે ગર્વ.!! જાણો કેરળની આ મહિલા અને તેની મૂછ અંગેની રસપ્રદ વાત…

શરીરના વિવિધ ભાગોમાં ઉગતાં અનિચ્છનીય વાળ દૂર કરવા મહિલાઓ હંમેશા ઉતાવણી જોવા મળે છે. તેમાંય ચહેરા ઉપર વાળ તો શપં રૂંવાટી પણ રહેવા દેતી નથી. પરંતુ આજકાલ એક એવી મહિલા સોશિયલ મીડિયામાં ચર્ચાનું કારણ બની છે કે જેને મૂંછો છે. કેરળની રહેવાસી એવી આ મહિલા શાઈઝા ગર્વથી તેની મૂછો પર હાથ ફેરવે છે. પુરુષોની માફક તે મૂંછોને સંભાળ પણ લઇ રહી છે.
 
મૂછ શબ્દ કાને પડતાં જ આપણાં દિમાગ કહો કે આંખોની સામે પુરુષનો ચહેરો તરી આવે. મૂછો ને પુરુષોનો પર્યાય માની લેવાયો છે. જો કે આજકાલ મૂંછાણી મહિલા ચર્ચાનું કેન્દ્ર બની છે. એ મહિલાનું નામ છે શાયઝા. કેરળના કન્નુર જિલ્લાની રહેવાસી શાયઝાને પુરુષોની જેમ શેને પણ મૂછ  છે. આ મૂછને કારણે તેના સંબંધીઓ અને પડોશીઓ પણ તેની મજાક ઉડાવતા હતા. પરંતુ શાયઝાના પતિ અને બાળકોએ તેને સાથ આપ્યો. શાયઝા કહે છે, તેને મૂછો રાખવી ખૂબ જ ગમે છે અને તેને હટાવવાની જરૂર ક્યારેય નથી લાગી. આટલું જ નહીં, શાયઝા કહે છે કે તેને તેની વધતી જતી મૂછો પર ગર્વ છે.

શાયઝા કહે છે કે દુનિયા મારા વિશે શું વિચારે છે તેની મને ચિંતા  નથી. પણ હવે હું મૂછ વગર રહી શકતી  નથી. શાયઝાને તેની મૂછો એટલી પસંદ છે કે તેને કોરોના રોગચાળા દરમિયાન માસ્ક પહેરવાનું પસંદ નહોતું. કારણ કે તે તેનો ચહેરો ઢાંકતી ન હતી.  શાયઝાએ છેલ્લા દસ વર્ષમાં ઘણા ઓપરેશન કર્યા છે. અનેક સ્વાસ્થ્ય સમસ્યાઓ પર કાબૂ મેળવ્યા બાદ શાઈઝા એટલી મજબૂત બની ગઈ છે કે તેને હવે કોઈની પરવા નથી. શાઈઝા માને છે કે આપણે એવું જીવન જીવવું જોઈએ જે આપણને સુખ આપે.

છેલ્લાં પાંચ વર્ષમાં જ ઉગી મૂછ 
શાયઝા કહે છે કે, છેલ્લા પાંચ વર્ષમાં ઉપરના હોઠ પરના વાળ ઘટ્ટ થવા લાગ્યા છે. સમય જતાં, તેઓ મૂછો જેવા દેખાવા લાગ્યા. હું આ પરિવર્તનથી ખૂબ જ ખુશ છું. તેથી મેં મારા હોઠ પર મૂછ ઉગાડવાનું નક્કી કર્યું. ઘણા લોકોએ મને મારી મૂછો દૂર કરવાની સલાહ આપી. પરંતુ, કારણ કે મને મારી મૂછો પર ગર્વ છે, હું તેને દૂર કરવાની નથી, હું તેને ઉગાડવાની  છું. શાયઝા આજકાલ સોશિયલ મીડિયા પર ચર્ચાનો વિષય બની છે. તેણે પોતાની ઘણી તસવીરો સોશિયલ મીડિયા પર શેર કરી છે.