આજે સંકષ્ટી ચતુર્થી પર બની રહ્યો છે સર્વાર્થ સિદ્ધિ યોગ! જાણો પૂજાનો શુભ સમય અને પધ્ધતિ…

વિધ્નહર્તા ભગવાન ગણેશજીના આશિર્વાદ મેળવવા માટે સંકષ્ટી ચતુર્થી શ્રેષ્ઠ દિવસ હોવાનો ઉલ્લેખ શાસત્રોમાં જોવા છે. આજે 17 જૂને સંકષ્ટી ચતુર્થી વ્રત રાખવામાં આવશે. 17મી જૂને અષાઢ માસના કૃષ્ણ પક્ષની ચતુર્થી છે. આશ્ચર્યજનક વાત એ છે કે આ દિવસે સર્વાર્થ સિદ્ધિ યોગ પણ રચાઈ રહ્યો છે. આ યોગમાં કરવામાં આવેલ પૂજા અને શુભ કાર્ય અનેક ફળ આપે છે. ભગવાન ગણેશ પ્રસન્ન થાય છે અને તેમને સફળતા અને સુખ અને સમૃદ્ધિના આશીર્વાદ આપે છે. જાણો આ સંકષ્ટી ચતુર્થી પર પૂજા કરવાનો શુભ સમય અને ચંદ્રોદયનો સમય કયો છે.

અષાઢ માસના કૃષ્ણ પક્ષની ચતુર્થી તિથિ 17મી જૂન, શુક્રવારના રોજ સવારે 06:10 કલાકે શરૂ થશે અને 18મી જૂન, શનિવારે સવારે 02:59 કલાકે સમાપ્ત થશે. બીજી તરફ 17મી જૂને સંકષ્ટી ચતુર્થી સવારે 09:56થી 18મી જૂને સવારે 05:03 સુધી સર્વાર્થ સિદ્ધિ યોગ રહેશે. બીજી તરફ 17 જૂનના રોજ સવારે 11:30 થી 12:25 સુધી અભિજીત મુહૂર્ત રહેશે. સંકષ્ટી ચતુર્થીની પૂજા ચંદ્રને અર્ધ્ય ચઢાવ્યા વિના પૂર્ણ થતી નથી. આ સંકષ્ટી ચતુર્થી પર ચંદ્રોદયનો સમય રાત્રે 10:03 છે.

સંકષ્ટી ચતુર્થીના દિવસે વહેલી સવારે સ્નાન કરીને સંકષ્ટી ચતુર્થીના વ્રત અને પૂજાનું વ્રત લેવું. ત્યારબાદ શુભ મુહૂર્તમાં ગણેશજીનો અભિષેક કરો. તેમને ચંદન, મોદક, ફળ, ફૂલ, વસ્ત્ર, ધૂપ, દીપ, ગંધ, અક્ષત, દુર્વા વગેરે અર્પણ કરો. આ દિવસે ગણેશ ચાલીસા પણ વાંચો અને સંકષ્ટી ચતુર્થીના વ્રતની કથા સાંભળો. અંતમાં ગણેશજીની આરતી કરો. રાત્રે ચંદ્ર ઉગે ત્યારે ચંદ્રને અર્ધ્ય અર્પણ કરો અને પછી ઉપવાસ તોડો.