મહારાષ્ટ્રમાં ફ્લોર ટેસ્ટ પહેલા ઉદ્ધવ સરકારનું આત્મસમર્પણ.!! શિંદે ઉપર સૌની નજર, બીજેપી કોર ગ્રૂપ આગળની રણનીતિ ઘડશે..

મહારાષ્ટ્રમાં લગભગ બે અઠવાડિયાથી ચાલી રહેલા રાજકીય ડ્રામાનો હવે અંત આવી શકે છે. સુપ્રિમ કોર્ટે નિયત સમયે જ ફ્લોર ટેસ્ટ માટે આદેશ કરતાં શિવસેનાના નેતા ઉદ્ધવ ઠાકરેએ બુધવારે રાત્રે મુખ્યમંત્રી પદેથી રાજીનામું આપી દીધું હતું. જો કે, નવી સરકાર ચૂંટાય ત્યાં સુધી તેઓ રખેવાળ મુખ્ય પ્રધાન તરીકે કાર્યભાર સંભાળશે. તે જ સમયે, રાજ્યસભા સાંસદ સંજય રાઉતે તેમના રાજીનામા પર પ્રતિક્રિયા આપી હતી. “મુખ્યમંત્રી ઉદ્ધવ ઠાકરેએ ખૂબ જ સહાનુભૂતિપૂર્વક રાજીનામું આપ્યું. આપણે એક સંવેદનશીલ, શિષ્ટ મુખ્યમંત્રી ગુમાવ્યા છે. ઈતિહાસ સાક્ષી છે કે છેતરપિંડીનો સારો અંત આવતો નથી. ઠાકરેની જીત થાય છે. આ શિવસેનાની ભવ્ય જીતની શરૂઆત છે. લાકડીઓ ખાશે. જેલમાં જાઓ,” તેમણે કહ્યું. પરંતુ બાળાસાહેબની શિવસેનાને જલતી રાખશે!”

ઉધ્ધવ ઠાકરે આ ઘટનાક્રમ દરમિયાન જેટલા ગાજ્યા એટલા વરસ્યા ન હતાં. તેઓએ ફ્લોર ટેસ્ટમાં નાપાસ થવાના ડરે વિધાનસભા ભવન સુધી જવાનું પણ ટાળ્યું હતું. એવી શક્યતાં સેવાઇ રહી હતી કે વિધાનસભામાં છેલ્લું ભાષણ આપી ઠાકરે પદત્યાગ કરશે, પરંતુ એવું થયું નહીં. સુપ્રિમનો ચૂકાદો આવતાં જ ઠાકરેએ એફબી લાઇવ કરી પોતાનો પક્ષ રજુ કર્યો અને મુખ્યમંત્રી તરીકે જ નહીં વિધાનસભ્ય તરીકે પણ રાજીનામું આપી દીધું હતું. રાજીનામા પહેલા તેમણે તેમના સહયોગી રહેલા કોંગ્રેસ અને એનસીપીનો આભાર તો માન્યો પરંતુ એમને વિશ્વાસમાં લીધા વિના, જાણ કર્યા વિના આ પગલું ભર્યું હોવાનું પણ બહાર આવ્યું હતું. મહારાષ્ટ્રના મુખ્યમંત્રી પદેથી રાજીનામું આપ્યા બાદ ઉદ્ધવ ઠાકરેએ પુત્રો આદિત્ય અને તેજસ સાથે મંદિરમાં પૂજા અર્ચના કરી હતી.

બીજી તરફ શિવસેનાના બળવાખોર ધારાસભ્યો બુધવારે રાત્રે ગુવાહાટીથી પરત ફર્યા હતા અને ગોવામાં રોકાયા હતા. એકનાથ શિંદેના નેતૃત્વમાં ધારાસભ્યો છેલ્લા એક સપ્તાહથી આસામના ગુવાહાટીમાં રેડિસન બ્લુ હોટલમાં રોકાયા હતા. આ સિવાય સુપ્રીમ કોર્ટે કહ્યું કે રાજ્ય વિધાનસભામાં ગુરુવારે એટલે કે આજે ફ્લોર ટેસ્ટ થશે. આ જૂથ ફ્લોર ટેસ્ટ માટે આવે એ પહેલા જ ઠાકરે સરકારે રાજીનામું ધરી દેતાં હવે ગુરુવારનો દિવસ મહત્વનો રહેશે. એકનાથ શિંદે જુથ શિવસેનામાં રહે છે, તેમનો અલગ પક્ષ તૈયાર થાય કે કોઇ પક્ષમાં જોડાશે એ મામલે પણ સૌની નજર રહેશે.

ઠાકરેના રાજીનામા સાથે ભૂતપૂર્વ મુખ્ય પ્રધાન અને ભાજપના નેતા દેવેન્દ્ર ફડણવીસ રાજ્ય ભાજપના વડા ચંદ્રકાંત પાટીલ અને અન્ય પક્ષના નેતાઓ સાથે વિધાનસભા પક્ષની બેઠક માટે મુંબઈની તાજ પ્રેસિડેન્ટ હોટેલમાં પહોંચ્યા. ભારતીય જનતા પાર્ટી (BJP)ના મહારાષ્ટ્ર એકમના અધ્યક્ષ ચંદ્રકાંત પાટીલે કહ્યું કે દેવેન્દ્ર ફડણવીસ અને એકનાથ શિંદે હવે આગળની રણનીતિ નક્કી કરશે. રાજ્ય બીજેપી યુનિટે તેના તમામ ધારાસભ્યોને મુંબઈમાં ભેગા થવા માટે કહ્યું છે. મહારાષ્ટ્ર વિધાનસભામાં મુખ્ય વિપક્ષી પાર્ટી તરીકે ભાજપની આગામી ચાલ વિશે પૂછવામાં આવતા પાટીલે કહ્યું, “ફડણવીસ અને એકનાથ શિંદે નક્કી કરશે.”