મહારાષ્ટ્ર વિધાનસભામાં આજથી શરૂ થઈ રહેલા 2 દિવસીય વિશેષ સત્ર પહેલા પરિસરમાં સ્થિત શિવસેનાનું ધારાસભ્ય દળનું કાર્યાલય સીલ કરી દેવામાં આવ્યું છે. ઓફિસની બહાર મરાઠી ભાષામાં એક નોટિસ લગાવવામાં આવી છે. નોટિસમાં લખ્યું છે કે, આ કાર્યાલય શિવસેના ધારાસભ્ય દળના નિર્દેશ પર સીલ કરવામાં આવ્યું છે. મહારાષ્ટ્ર વિધાનસભામાં ગૃહના વિશેષ સત્રના પ્રથમ દિવસે આજે સ્પીકરની ચૂંટણી પૂર્ણ થઈ ગઈ છે. આ રેસમાં શિવસેનાના ઉમેદવારને હરાવ્યા બાદ કોલાબાના ભાજપના ધારાસભ્ય રાહુલ નાર્વેકર ગૃહના સ્પીકર અથવા સ્પીકર બન્યા છે. લગભગ બે દાયકાથી રાજકારણમાં સક્રિય રહેલા નાર્વેકર પ્રથમ વખત ધારાસભ્ય બન્યા છે. જણાવી દઈએ કે હાલમાં 288 સીટોવાળી વિધાનસભામાં કુલ 287 સભ્યો છે. બહુમતી માટે સ્પીકરને 144 વોટની જરૂર હતી, જેમાં ભાજપના નાર્વેકરને 164 વોટ મળ્યા હતા. જ્યારે મહાવિકાસ આઘાડીના ઉમેદવાર રાજન સાળવીને 107 મત મળ્યા હતા.
શિવસેનાના સ્પીકર ઉમેદવાર રાજન સાલ્વી વિધાન પરિષદના ઉપ સભાપતિ નિલમ ગોર્હેની ઓફિસમાં બેઠા છે. નોટિસમાં લખવામાં આવ્યું છે કે, આ કાર્યાલય શિવસેના ધારાસભ્ય દળના નિર્દેશ પર સીલ કરવામાં આવ્યું છે. મહારાષ્ટ્ર વિધાનસભામાં આજે સ્પીકર પદની ચૂંટણી છે. તે શિવસેના તથા બળવાખોર ટીમ શિંદે વચ્ચેનું પ્રથમ શક્તિ પરીક્ષણ હશે.
એકનાથ શિંદેએ ટીમ ઠાકરેના તમામ ધારાસભ્યોને વ્હિપ જાહેર કરીને ભાજપના સ્પીકર પદના ઉમેદવાર રાહુલ નાર્વેકરના પક્ષમાં મત આપવા માટે જણાવ્યું છે. પૂર્વ મુખ્યમંત્રી ઉદ્ધવ ઠાકરેના દીકરા આદિત્ય ઠાકરેને પણ વ્હિપ આપવામાં આવ્યું છે.
તેના પહેલા ઉદ્ધવ ઠાકરેની ટીમે વ્હિપ બહાર પાડીને શિવસેનાના તમામ ધારાસભ્યોને રાજન સાલ્વીના પક્ષમાં મત આપવા કહ્યું હતું. જોકે એકનાથ શિંદેએ તેનો સ્વીકર કરવાનો ઈનકાર કરી દીધો હતો અને કહ્યું હતું કે, શિવસેનાના 55માંથી 39 ધારાસભ્યો અમારા પાસે છે માટે માત્ર 16 ધારાસભ્યો ધરાવતું જૂથ વ્હિપ બહાર પાડવાનો અધિકાર નથી ધરાવતું.
ઉલ્લેખનીય છે કે, મહારાષ્ટ્રમાં એકનાથ શિંદે મુખ્યમંત્રી બન્યા ત્યાર બાદ આજે વિધાનસભાનું પ્રથમ સત્ર શરૂ થઈ રહ્યું છે. વિધાનસભાના 2 દિવસીય વિશેષ સત્રમાં પહેલા દિવસે વિધાનસભાના સ્પીકર માટેની ચૂંટણી યોજાઇ હતી. જેમાં ભાજરના નાર્વેકર વિજયી બન્યા હતાં. હવે આવતી કાલે મુખ્યમંત્રી એકનાથ શિંદેએ વિધાનસભામાં બહુમત સાબિત કરવો પડશે.
ગુજરાતી
English
हिन्दी
मराठी