એક સમયે દુનિયાના છઠ્ઠા સૌથી અમીર વ્યક્તિ અનિલ અંબાણી કેમ સતત પાછળ પડતાં ગયા?

રિલાયન્સ અનિલ ધીરુભાઈ અંબાણી ગ્રુપ (RADG)ના વડા અનિલ અંબાણી આજે 63 વર્ષના થયા. એક સમય એવો હતો જ્યારે તેમનું નામની બોલબાલા હતી, વર્ષ 2010 પહેલા તેઓ વિશ્વના ટોપ-10 સૌથી અમીર વ્યક્તિઓની યાદીમાં સામેલ હતા અને એક સમયે તેઓ વિશ્વના છઠ્ઠા સૌથી અમીર વ્યક્તિ પણ બની પણ ગયા હતા, પરંતુ સમયની સાથે તેમનું સ્થાન નબળું પડવા લાગ્યું અને હવે સમય આવી ગયો છે જ્યારે તેમને પોતાની કંપનીઓમાંથી બહાર કરી દેવામાં આવ્યા છે.

અનિલ અંબાણીનો જન્મ 4 જૂન 1959ના રોજ થયો હતો. તેઓ શરૂઆતથી જ અભ્યાસમાં તેજસ્વી હતા. તેમણે અમેરિકાથી એમબીએ કર્યું છે. અનિલ અંબાણીએ વર્ષ 1983માં કો-ચીફ ઓફિસર તરીકે રિલાયન્સમાં કામ કરવાનું શરૂ કર્યું. તે સમયે અનિલની ઉંમર માત્ર 24 વર્ષની હતી. અનિલ અંબાણી હાઈપ્રોફાઈલ જીવનશૈલી અને આધુનિક પદ્ધતિઓમાં માને છે. દેશના મૂડી બજારનો પ્રથમ શ્રેય અનિલને મળે છે. આ સિવાય અનિલ અંબાણી ફિટનેસને લઈને હંમેશા સાવધ રહે છે.

એક સમયે બોલિવૂડની સુંદર અભિનેત્રીઓની યાદીમાં સામેલ અભિનેત્રી ટીના મુનીમ ઉર્ફે ટીના અંબાણી સાથેના તેમના પ્રેમ અને લગ્ન મીડિયાની હેડલાઇન્સમાં રહ્યા હતા. ટીના અંબાણી અને અનિલ અંબાણી એક લગ્ન સમારોહમાં મળ્યા હતા. લગ્નમાં અચાનક અનિલની નજર બ્લેક સાડી પહેરેલી ટીના પર પડી. અનિલને ટીનાનો એ ભારતીય લૂક ગમ્યો હતો.

2002માં પિતા ધીરુભાઈ અંબાણીના મૃત્યુ પછી રિલાયન્સ ઈન્ડસ્ટ્રીઝનું વિભાજન થયું ત્યારે ઈન્ફ્રાસ્ટ્રક્ચર, એન્ટરટેઈનમેન્ટ અને ટેલિકોમ જેવા ન્યૂ એજ બિઝનેસ અનિલના હિસ્સામાં આવ્યા. આ બિઝનેસે અનિલ અંબાણીને દેશ અને દુનિયાના અમીર લોકોની યાદીમાં સ્થાન અપાવ્યું, પરંતુ આ સ્થિતિ લાંબો સમય ટકી નહીં. તેમને અને તેમની કંપનીઓને ભારે નુકસાન થવા લાગ્યું અને તેમની પોતાની નેટવર્થ પણ ઘટી ગઈ.

વર્ષ 2010માં અનિલ અંબાણીની કુલ સંપત્તિ 13.7 અબજ ડોલર હતી. અને હવે 2019 ના આંકડાઓ અનુસાર, તેમની કુલ સંપત્તિ માત્ર $ 1.7 બિલિયન ડોલર રહી છે. આટલું જ નહીં, પરંતુ તાજેતરમાં તેમની પોતાની કંપનીઓના બોર્ડમાંથી પણ તેમને હાંકી કાઢવાની સ્થિતિ સર્જાઈ છે. ફેબ્રુઆરીમાં, માર્કેટ રેગ્યુલેટર સેબીએ અનિલ અંબાણીને રિલાયન્સ હોમ ફાઇનાન્સ લિમિટેડના બોર્ડમાંથી દૂર રહેવાનો આદેશ આપ્યો હતો