Zomatoના શેરમાં 15 ટકા સુધીનો ઘટાડો, રોકાણકારોના આટલાં હજાર કરોડ રૂપિયા ડૂબ્યા

બ્લિંકિટની ખરીદી બાદ છેલ્લા બે દિવસમાં Zomatoના શેરમાં 15%નો ઘટાડો થયો છે, જેના પરિણામે કંપનીની માર્કેટ મૂડીમાં આશરે રૂ.76.78 અબજનો ઘટાડો થયો છે. Zomatoના શેરમાં રોકાણ કરનારા રોકાણકારોને છેલ્લા બે દિવસમાં ભારે નુકસાન થયું છે. બ્લિંકિટ ડીલ પછી છેલ્લા બે ટ્રેડિંગ દિવસોમાં કંપનીના શેરમાં 15%નો ઘટાડો થયો છે. જેના કારણે કંપનીના શેરમાં રોકાણ કરનારા રોકાણકારોના લગભગ 8000 કરોડ રૂપિયા ડૂબી ગયા છે. એન્ટ ગ્રૂપ સમર્થિત ફૂડ ડિલિવરી ફર્મ ઝોમેટોએ શુક્રવારે જણાવ્યું હતું કે તેણે બ્લિંકિટને રૂ. 4,447.48માં હસ્તગત કરી છે. ઝોમેટોએ ઝડપી કોમર્સ બિઝનેસ વધારવા માટે આ પગલું ભર્યું છે. બ્લિંકિટ અગાઉ ગ્રોફર્સ તરીકે ઓળખાતું હતું અને ઝોમેટો પહેલેથી જ બ્લિંકિટમાં 8-9% હિસ્સો ધરાવે છે.

બ્લિંકિટની ખરીદી બાદ છેલ્લા બે દિવસમાં Zomatoના શેરમાં 15%નો ઘટાડો થયો છે, જેના પરિણામે કંપનીની માર્કેટ મૂડીમાં આશરે રૂ. 76.78 અબજનો ઘટાડો થયો છે. મંગળવારે બપોરે 3 વાગ્યા સુધીમાં, કંપનીનો શેર 8.43% ઘટીને રૂ. 60.30 પર ટ્રેડ થઈ રહ્યો છે. કંપનીના શેર જે રીતે વેચાઈ રહ્યા છે તે જોતા આ નિષ્ણાતો તેમાં મોટા ઘટાડાની ધારણા રાખી રહ્યા છે.

નિષ્ણાતો કહે છે કે આ સ્ટોક લાંબા ગાળે રોકાણકારોને સારું વળતર આપી શકે છે. જો કે, તે માટે રાહ જોવી પડશે. જો રોકાણકારો બે કે ત્રણ વર્ષનો ટાર્ગેટ લે તો આ શેર નુકસાનની ભરપાઈ કરી શકે છે. તે જ સમયે, ટૂંકા ગાળામાં કંઈપણ કહેવું મુશ્કેલ છે. નોંધનીય છે કે રિસર્ચ ફર્મ ક્રેડિટ સુઈસે ઝોમેટો શેર્સ પર તેનું આઉટપરફોર્મ રેટિંગ રૂ. 90ના લક્ષ્યાંક સાથે જાળવી રાખ્યું છે. બ્રોકરેજ ફર્મ BofA એ Zomato શેરની લક્ષ્ય કિંમત ઘટાડીને રૂ. 82 કરી છે. બ્રોકરેજ હાઉસ સીએલએસએનું કહેવું છે કે ઝોમેટો માટે ક્વિક કોમર્સ કંપનીના અધિગ્રહણથી કંપનીના માર્કેટ શેરમાં વધારો થશે. તાજેતરના અહેવાલમાં, બ્રોકરેજ હાઉસ મોર્ગન સ્ટેનલીએ ઝોમેટોના સ્ટોક પર ઓવરવેઇટ રેટિંગ આપ્યું છે અને તેની કિંમત 135 રૂપિયા નક્કી કરી છે.